噢~點解可以咁臭？一文睇清貓咪口臭原因與解決方法！

「嘩！貓貓個口勁臭啊！」相信唔少貓奴都有試過擼貓或吸貓時，突然聞到一陣似魚腥味嘅口臭~真係嚇親，如果只喺食完飯後才聞到口氣，咁就唔使太擔心，只喺貓咪剛剛食嘅食物味道還留喺嘴巴內，多飲水就可以改善。

如發現家中的貓咪口臭、口水臭的問題持續，要盡快搵出原因！其實「口臭」是一個警號，成因可能來自各種疾病！

            內容目錄

• 如何分辨貓咪口臭嘅原因?

  • 原因1：「口腔問題」造成

  • 原因2：腸胃消化問題

  • 原因3：其他「其他常見原因」

• 貓咪口臭點算？如何消除？

  • 口腔問題導致口臭的解決方法：

  • 消化問題造成口臭的解決方法：

如何分辨貓咪口臭的原因？

原因1：「口腔問題」造成

基本上，大部份貓貓狗狗都有口臭，當中「80% 」都係因為口腔問題造成。

毛孩每日飲食中多少都會有「食物殘渣」留喺口腔內，而口腔細菌就會「分解食物殘渣」，過程中會釋放一種「含硫氣體」，聞到覺得好臭，就係我們嗅到嘅「口臭」。

如果毛孩本身已有口腔問題，代表他們的口腔內已經積聚咗細菌，口臭自然會更加嚴重。

原因2：腸胃消化問題

除了口腔問題，其實仲有機會係「非口腔問題」導致毛孩有口臭。

當中最常見是「腸胃消化問題」。

因為當食物沒有順利地被消化系統分解時，就會在毛孩體內發酵 ，異味就會由口中散發出來，形成難聞口臭。

會有這樣的情況，通常喺「食嘢好快」嘅毛孩、「天生腸胃功能較弱或者蠕動較慢」，「幼貓」或是「老貓」，都比較容易遇到這個情況。

 原因3：其他「其他常見原因」

正如之前提及，口臭其實只是一種「結果」，背後有好多潛在問題都可能導致口臭的喔！

1.  血糖控制：如果毛孩體內無法有效分解醣類，口氣便會聞到「甜甜地、爛生果」嘅味道，這種味道是血糖控制引起。
2.  腎功能差：當腎臟無法有效排走含氮嘅廢物，會令口腔散發出「阿摩尼亞」嘅味道，似尿嘅刺鼻氣味。
3.  肝臟問題：毛孩口氣有別於一般嘅口臭，而係帶有一陣「臭雞蛋」的腐臭味，可能係肝臟無法正常排毒，積聚毒素引起。

 當然~貓奴們聽到呢啲情資訉不用緊張，其實不能分辨出口氣屬於邊一種異味是很正常的。

 只要發現毛孩口腔有異常、濃烈或古怪嘅口臭，建議盡快帶毛孩去動物醫院，由專業獸醫檢查是最穩陣同安心！

貓咪口臭怎麼辦？如何消除？

針對以上造成貓咪口臭的原因，建議如下：

口腔問題導致口臭嘅處理方法：

若要改善因口腔問題引起嘅口氣異味，最有效的方法當然是「定期進行的口腔清潔」。

刷牙、潔牙液、潔牙零食或者潔牙玩具等等，都係口腔護理嘅好幫手，可同時多種方法結合使用，更能提升清潔效果！

若長時間沒有幫毛孩清潔牙齒，可能會形成難以處理嘅狀況 (如牙石、牙齦炎)，可能需要到動物醫院進行麻醉治療。

建議飼主們養成幫自己刷牙習慣一樣，每隔2~3 天就為毛孩護理牙齒。

消化問題造成口臭的處理方法：

若因消化問題造成而出現口氣異味，建議可先讓毛孩少食多餐，避免一次過進食過多，導致腸胃負擔過重。

同時可以補充適量益生菌和酵素，幫助促進腸胃蠕動、加強消化功能，對改善口臭有明顯幫助！